A iniciativa impulsada pola Escola Oficial de Idiomas tivo como gañadores en Portugal a Diogo Piçarra e Pedro Abrunhosa
01 abr 2025 . Actualizado a las 04:55 h.«Quererse ben», de Mondra, foi a canción gañadora do premio á Mellor Música do 2024 en Galicia no certame aRi[t]mar impulsado pola Escola Oficial de Idiomas de Santiago. Un premio que lle chega ao músico de Teo cando está piques de publicar o seu segundo disco, «De ronda», que sairá o 6 de maio.
Pola súa banda, o tema elixido como Mellor Música do 2024 en Portugal foi «Amor de ferro», de Diogo Piçarra e Pedro Abrunhosa, dous referentes da música contemporánea de Portugal, aínda que pertencentes a diferentes xeracións. A entrega dos galardóns será nunha gala en outubro, na que os artistas gañadores tamén actuarán.
A decisión chega tras contabilizar máis de 6.000 votos. O podio desta edición completárono no caso de Galicia, Baiuca, con «Barullo», en colaboración con Elisa Segade; e Hugo Guezeta, con «O noso tempo» En Portugal, segunda foi D. A. M. A., e terceira, Bárbara Tinoco.